​KOICA TOShKENTDA TADQIQOTLAR MARKAZI VA MTT QURIShNI REJALAShTIRMOQDA


2019 йил 27 ноябрь – 5 декабрь кунлари Ўзбекистон Республикаси Мактабгача таълим вазирлиги ва Корея Халқаро Ҳамкорлик агентлиги (KОICА) вакиллари ўртасида бир қатор учрашувлар бўлиб ўтди. Томонлар мактабгача таълим ходимларининг малакасини ошириш маркази ва давлат мактабгача таълим ташкилотини барпо этиш тўғрисида келишиб олдилар.

2019 йил 7 декабрь, Тошкент - Бўлиб ўтган учрашувлар давомида Мактабгача таълим вазири Агриппина Шин ва KОICА нинг Ўзбекистондаги ваколатхонаси директори жаноб Сунг Ил Сон билан йирик қўшма лойиҳани амалга ошириш, мактабгача таълим маркази ва 420 ўринли давлат МТТ қурилишини амалга ошириш тўғрисида келишиб олдилар.
Марказ мактабгача таълим муассасалари ўқитувчилари ва методистлари билан ишлайди. Корейс дастури нафақат болалар билан машғулотларни, балки ота-оналар билан ўзаро муносабатларни ҳам таъминлайди. Тренинглар ва курсларни ўтказиш билан бир қаторда, малака ошириш ва таълим маркази методик қўлланмалар ва ўқув материалларини ишлаб чиқиш билан шуғулланади. Бугунги кунда мактабгача таълим тизимида қарийб 90 минг ўқитувчи ишлайди.
“Мактабгача таълим ташкилотлари ўқув тизими йилдан-йилга такомиллаштирилишни талаб қилади. Барчамиз фарзандларимизга таълим тизимида ҳар бир боланинг ўқув жараёнига тўғри ёндашувни топа оладиган ва боланинг ўз имкониятларини очиб беришда ёрдам бера оладиган юқори малакали мутахассислар таълим беришини истаймиз . Юртимизда минглаб мактабгача таълим муассасалари мавжуд, аммо меҳнат бозорида кучли ўқитувчи ва методистлар бир нечта, холос. Келажакда Кореялик мутахассислар иштирокида ва Корея технологиялари асосида қурилган ва жиҳозланган замонавий малака ошириш маркази Ўзбекистонда кадрлар салоҳиятини оширишни янада олдинга силжишга имкон беради. Мактабгача таълим соҳасидаги ходимлар болалар билан ишлаш тизимини янги босқичга олиб чиқадиган юқори сифатли, илғор билимларга эга бўладилар. Доимий ҳамкоримиз KОICА ташкилоти томонидан МТТнинг қурилиши - биз учун юксак имкониятдир”, - дейди Ўзбекистон Республикаси Мактабгача таълим вазири Агриппина Шин.
Шунингдек, лойиҳа доирасида тест ва тадқиқот маркази ташкил этилиб, у ерда болалар ва ота-оналар керакли билим ва кўникмаларни олишлари мумкин бўлади. Сеул шаҳридаги болаларни эрта ривожлантириш маркази мазкур лойиҳанинг прототипи этиб олинди. Бино 5 та ривожлантириш ҳудудларга бўлинган:
  • соғлиқни сақлаш ва Жисмоний тарбия машқлари учун майдончалар;
  • болаларнинг ақлий салоҳиятини ривожлантириш учун турли хил замонавий жиҳозларга эга ҳудуд;
  • интерфаол ўйинлар ва коммуникация учун қулай ҳудуд;
  • математик ва мантиқий ёндашувли ўйинлар учун аттракцион маскани;
  • болаларнинг моторик қобилиятлари ва ижодий фикрлашини ривожлантириш учун машғулотлар майдончаси;
Қўшма лойиҳани амалга ошириш муддати 6 йил (2021-2026). Дастлабки ҳисоб-китобларга кўра, таълим ва тадқиқотлар маркази ва янги МТТ қуриш қиймати 11 млн. долларни ташкил этади. Молиялаштириш Корея Республикаси томонидан таъминланади. Лойиҳа KОICАнинг Корея Республикасидаги бош қароргоҳи томонидан маъқулланганидан сўнг амалга оширилади, шунингдек, Ўзбекистонга Tашкилотнинг қўшимча миссияси ҳам ташриф буюради.